BDU-da velosiped dayanacağı tikiləcək.

Bu barədə “Həftə İçi”nə açıqlama verən universitetin Tələbə Həmkarlar İttifaqı Komitəsinin sədri Daşqın Qənbərov bildirdi ki, layihəni hazırlamaqda onların əsas məqsədi tələbələrin rahatlığını təmin etmək və ətraf mühiti qorumaqdır.

“Velosiped dayanacağı ilə bağlı təklifi tələbələrdən aldıq. Bu təklifi çox bəyəndiyimiz üçün layihə formasında hazırlayaraq universitet rəhbərliyinə təqdim etdik. Universitet rəhbərliyi layihəni çox bəyəndi və həyata keçirilməsi üçün razılıq verdi.” Velosiped dayanacağının universitetin həyətində hansı ərazidə tikilməsinin nəzərdə tutulmasına gəlincə: “Dayanacaq hər kəsin görə biləcəyi, umumi piyada gediş-gəlişinə mane olmayan göz önündə tikiləcək. Təbii ki, bu yolla biz ətraf mühiti də qorumuş olacağıq. Layihənin icrasına yaxın günlərdə başlanacaq. Düşünürəm ki, BDU-nun bu layihəsi digər universitetlər üçün təkan olacaq.”
Qeyd edək ki, komitə sədri universitet daxilində siqaret çəkilməyinin ləğv olunması ilə bağlı da layihə hazırlayır.

Azərbaycanda yetim uşaqlar təhsil haqqından azad edildi

Azərbaycanda ali və orta ixtisas təhsili müəssisələrində ödənişli əsaslarla təhsil alan valideynlərini itirmiş və valideyn himayəsindən məhrum olmuş şəxslər təhsil haqlarından azad ediliblər.

Nazirlər Kabinetindən verilən məlumata görə, “Orta ixtisas təhsili müəssisələrinin nümunəvi nizamnaməsi” və “Ali təhsil müəssisəsinin nümunəvi nizamnaməsi”nə müvafiq dəyişikliklər edilib. Bu dəyişiklərə əsasən, valideynlərini itirmiş və valideyn himayəsindən məhrum olmuş uşaqlar, habelə onların arasından olan şəxslər dövlət, bələdiyyə və özəl orta ixtisas, ali təhsil müəssisələrində təhsil aldıqları müddətdə onların təhsil haqqı dövlət büdcəsinin vəsaiti hesabına ödəniləcək.

Eyni dəyişiklik rezidentura və doktorantura təhsilinə də şamil edilib.

“İlkin Şərifov” – “Bu haqda çox yazsam yəqinki sabah mənə müxtəlif ləqəblər qoşan bir sürü ilə rastlaşacam” – “KÖŞƏ”

“Qarşısına çıxan hər qadınla yatmaq xəyalı quran oğlanların evlənmə vaxtı gələn zaman bakirə qız axtarmaqlarını başa düşə bilmirəm”

Con Kennedi

Yazılarını izlədiyim və müəyyən qədər bəyəndiyim gənc jurnalist Aynur Qurbanqızı öz Facebook səhifəsində bu mövzu haqqında yazdığını gördükdə mən də öz fikirlərimi dostlarımla bölüşmək istədim.

İlk öncə məsələnin nədən ibarət olduğunu qeyd etmək istəyirəm. Boşanmış bir qadın subay oğlanla ailə qura bilərmi və ya əksinə??? Kişilər qadınlardan bakirəlik tələb edirsə qadınlar niyə kişilərdən tələb etmir???

İki insan bir-birini sevirsə burada xarici amillər rol oynamamalıdır məncə. Sevgi seks məqsədi ilə olmadıqca boşanmış bir şəxsin subay şəxslə evlənməsi normal haldır. Əgər cəmiyyətdə evlənib sonra boşanmış insanlara xüsusəndə xanımlara qarşı belə münasibət olarsa, yəni onlar boşanıblarsa deməkki, əxlaqsızdırlar və ya başqa səbəblərdən o zaman biz özümüz o insanları əxlqasızlığa sürükləyirik. Sonrada deyirik ki, zəmanə korlanıb. Zəmanə korlanmayıb sadəcə bizim düşüncəmiz daralıb. Əvvəllər dünyaya balkondan baxırdıq indi isə qapalı pəncərə arxasından. Pəncərəni açmaq lazımdır dostlar…

Həmin şəxslərdə bizlərdən biridir. Onları cəmiyyətə qaytarmaq da, cəmiyyətdən uzaqlaşdırmaq da bizlərin əlindədir. Boşanmış bir qadına necə yanaşarsanız elə olar. Bir çox evli xanımlar tanıyıramki əxlaqsızlıq etmədiyi gün, həyat yoldaşına xəyanət etmədiyi gün olmur… Bəzilərimiz bunun adını mentalitet qoymuşuq, həmin adamlara bir sual verirəm :”mentalitet nədir?” cavab gözləmirəm. Çünki sizin düşünəcəyiniz cavab onsuzda bəllidir…

İkinci məsələyə keçək. Kişilər (oğlanlar) öz xanımlarından bakirə olmasını gözləyir, hətda tələb edir. Burada tarazlıq əməlli başlı pozulur. Əgər kişi qadından təmiz olmasını tələb edirsə qadın nəyə görə etmir??? Əgər kişi özlüyündə öz bədənini başqa qadınlarla çirkləndirirsə necə təmiz qadın tələb edir??? Bu məntiqə sığmayan azərbaycanlı mentalitetidir. Bu haqda çox yazsam yəqinki sabah mənə müxtəlif ləqəblər qoşan bir sürü ilə rastlaşacam. Arif olan məqsədimi anladı.

“İlkin Şərifov” – “Mən Yeni nəsil YAP-çıyam” – “KÖŞƏ”

Bir neçə gün öncə Yeni Azərbaycan Partiyasının gənci olaraq M.Ə.Rəsulzadəyə olan sevgi və hörmət haqqında yazmışdım. Çoxları məni tənqid etdi, bəziləri təşəkkür etdi bəziləri isə sadəcə görünüm xatirinə mənim yazımı paylaşaraq özlərini reklam etdilər. 

Keçək əsas məsələyə, bizim insanlarımızda çox maraqlı bir xüsusiyyət var. Bir nəfər hansısa səhv addım atdıqda onu qınayanlar həddindən artıq çox olur. Hələ bu səhv addım atan şəxs hansısa hökümət və ya qeyri-hökümət sektorunda rəhbər vəzifəsi tutursa lap betər olur. Məni çoxları anlamaqda çətinlik çəkir. Fikirlərimin qarışıq olduğunu söyləyirlər. Bu yazını yazmaqda əsas məqsədim məni anlamayanlara, anlayıb başqa formlara yozanlara fikirlərimi daha açıq-aydın şəkildə bildirməkdir.

Mən “Yeni nəsil YAP-çıyam”. Bilirəm çoxlarınız bu “Yeni nəsil YAP-çı” ifadəsini görüncə şübhə edəcəksiz. Hətda bəlkə mənim haqqımda dəli olubda deyəcəksiz. Ancaq icazə verin mən bunu izah edim.

“Yeni nəsil YAP-çı” nə deməkdir? Mən niyə bu yolu seçdim???

Hər bir idealogiya zaman irərlədikcə yeniləşir, təkmilləşir. Məhz mənim üzv olduğum partiyada yenilənir. Mən gənc düşüncə olaraq yeniliyə, fərqliliyə daha üstünlük verirəm. Mənim gənc olduğumu, düşündüyümü, yeni nəsil olduğumu başqalarından fərqləndirən də məhz budur.

Bu mənim, bu gəncliyin fərqliliyidir. Yeni nəsil YAP-çı ifadəsini bəlkədə bu gün ilk dəfə mən istifadə edirəm ancaq çox tezliklə bun ifadəni işlədənlərin sayı düşündüyümüzdən də çox olacaq. Çünki bizim məqsədimiz Azərbaycandır. Bizim yolumuz vətənimizdir.

BDU THİK daha bir mükafata layiq görüldü

Bakı Dövlət Universiteti Tələbə Həmkarlar İttifaqı Komitəsinin son illər ərzində həyata keçirdiyi genişmiqyaslı tədbirləri nəzərə alan Bakı şəhər Gənclər və İdman Baş İdarəsi BDU THİK-ni  “Dövlət gənclər siyasətini həyata keçirilməsində fəallığına görə” fəxri fərmanla təltif edib. Bu mükafatın təqdim edilməsi ilə əlaqədar təşkil olunmuş tədbiri giriş sözü ilə açan Bakı Dövlət Universiteti Tələbə Həmkarlar İttifaqı Komitəsinin sədri Daşqın Qənbərov dövlət gənclər siyasətinin məqsədi, həyata keçrilən proqramlar və bu proqramların nəticələri haqqında gənclərə geniş məlumat verdi. Gənclərə bütün istiqamətlərdə dövlətin qayğısından bəhs edən Daşqın Qənbərov xüsusilə BDU gənclərinin bu siyasətdə iştirak etmək və gənclər siyasətinin həyat keçirilməsinin önəmini vurğuladı. Qazandıqları bu növbəti  uğurun əldə olunmasında universitet tələbələrinin rolunu qeyd edən Daşqın Qənbərov gənclərə öz təşəkkürlərini bildirdi və çıxışının sonunda ölkə başçısının gənclərə olan diqqət və qayğısını, gənclərin bu qayğı nəticəsində dünyada önəmli nailiyyətlər əldə etdiyini universitet gənclərinə xatırlatdı və cənab  İlham Əliyevə öz minnətdarlığını bildirdi.

 

Sonra çıxış edən Bakı Dövlət Universiteti Tələbə Həmkarlar İttifaqı Komitəsinin sədr müavini Elvin İbrahimov universitet gənclərinin yüksək potensialından və son zamanlarda Bakı Dövlət Universiteti Tələbə Həmkarlar İttifaqı Komitəsinin bir çox qurumlar tərəfindən ard-arda mükafatlandırılması haqqında danışdı.  Daha sonra çıxış edən İlahiyyat fakültəsi Tələbə Həmkarlar Təşkilatının sədri İlkin Şərifov tələbələri əldə olunan mükafatlarla kifayətlənməməy, bu yolda daha əzmkar olmağa səslədi.

Tədbir maraqlı müzakirələ sona yetdi.

Bakı Dövlət Universiteti TələbəHəmkarlar İttifaqı Komitəsi Ulu Öndərimiz, Ümummilli liderimiz Heydər Əliyevin andan olmasının 90 illik yubileyinə həsr olunmuş fakültələrarası futbol çempionatının açılış mərasimi keçirib.

 

13 .04.2013-cü il tarixində Bakı Dövlət Universiteti Tələbə Həmkarlar İttifaqı Komitəsi Ümummilli liderimiz Heydər Əliyevin andan olmasının 88-ci il dönümünə həsr olunmuş fakültələrarası futbol çempionatının təntənəli açılış mərasimini keçirib.

Mərasimdə iştirak edən Bakı Dövlət Universitetinin rektoru akdemik Abel Məhərəmov mərasimi giriş sözü ilə açaraq tədbririn əhmiyyətindən danışıb. Abel müəllim qeyd edib ki bu yarışma tələbələrin asudə vaxtının səmərəli təşkili və onların sağlam həyat tərzi keçirmələri baxımından eyni zamanda Ulu öndərimiz Heydər Əliyev ruhunda tərbiyyə edilmələri baxımından çox mühüm əhəmiyyət kəsb edir. Daha sonra çıxış edən natiqlərdə yarışın universitetdə futbolun inkişafına cox böyük töhvə verdiyini bildiriblər. BDU THIK-nin sədri Daşqın Qənbərov bu tip tədbirlərin, xüsusi ilə də futbol turnirinin tələbələr arasında idmana olan kütləvi marağın formalaşdırılmasında böyük əhəmiyyət kəsb etdiyini vurğuladı. Sonda mərasim maraqlı konsert proqramı ilə davam edib. 1500 nəfərdən artıq tələbənin qatıldığı açılış mərasimi bitdikdən dərhal sonra ilk oyuna start verilib. Onu da qeyd edək ki, ümummilli liderimiz Heydər Əliyevin andan olmasının 90-cı il dönümünə həsr olunmuş fakültələrarası futbol çempionatı universitet ictimaəti tərəfindən cox böyük maraqla qarşılanıb.

 

Tuyqun Nadirov gənclərlə görüşdü

İşıq Gənclər Hərəkatı Life Story lahiyəsinin ilk qonağı Xəzər Lənkəran futbol klubunun vitse-prezidenti Tuyqun Nadirovla görüşdü.Canlı Xəbər xəbər portalı xəbər verir ki,görüşdə Tuyqun Nadirov təhsil aldığı dönəmdən,xaricdə oxduğu zamanlardan və Palmalı şirkətlər qrupunun Azərbaycanda yaradılması və klub idarəçiliyindən danışdı.

Görüşdə İşıq Gənclər Hərəkatının fəaliyyət planını bəyənən Tuyuqun Nadirov qarşıdakı zamanlarda Xəzər-Lənkəran klubu ilə birgə lahiyələrdə həyata keçirilməyidə ön plana çəkdi.

İnsan alverinə qarşı mübarizə ilə bağlı gənclər üçün təlim

 

Beynəlxalq Miqrasiya Təşkilatının “Təhsil vasitəsiəe insan alverinə qarşi mübarizə ilə bağlı maarifləndirəenin genişlendirilməsi” layihəsi çərçivəsində Azərbaycan U.aqlar Birliyinin təşkil etdiyi təlim proqramı. 2 saat ərzində təlimdə müzakirə olunacaq mövzular:
1. İnsan alveri nədir?
2. İnsan alveri formaları
3. Mübarizə ve profilaktika tədbirləri
4. Dövlet ve QHT-lər tərəfindən həyata keçirilən işlər və s
Təlim 20 aprel saat 16:00-da AUB-un ofisində keçiriləcək. Ofis Nizami metrosu yaxınlığında, Anadolu liseyinin arxasında yerləşir.
Təlimçi: Lamiye Rzayeva

Təlimde iştirak etmək istəyənlər qeydiyyat üçün ad ve soyadlarını 055 361 35 06 nomrsinə yollaya bilerler.
055 582 18 48 (Paşayev Əli)

“Gəncə şəhər II Məktəbli Debat Forumu- Yaz 2013”

“Odlar Yurdu” Gənclər İctimai Birliyi və Gəncə Regional Debat Mərkəzinin birgə təşkilatçılığı, “Smart SN Corporation” MMC- nin maliyyə dəstəyi ilə “Gəncə şəhər II Məktəbli Debat Forumu- Yaz 2013” keçirilmişdir.

Gəncə şəhərində fəaliyyət göstərən 10 tam orta məktəbdən 90 nəfər məktəbli təlimlərdə iştirak etmiş, onlardan 60 nəfər isə forumun iştirakçısı olmuşdur. Foruma ev sahibliyi edən 1 və 22 nömrəli tam orta məktəblərdə baş tutan forum müəllim, valideyn və məktəblilər tərəfindən böyük maraqla qarşılanmışdır.
Yeniyetmə və gənclərin intellektual inkişafında xüsüsi əhəmiyyət kəsb edən “Debat Proqramı” nın əsas məqsədi onların dünya görüşünün, nitq qabiliyyətinin, fasilitatorluq və liderlik bacarıqlarının inkişaf etdirməkdir. Forumun qalibi Gəncə şəhəri 27 nömrəli fizika-riyaziyyat və informatika təmayüllü liseyin şagirdləri olmuşlar. Forumda müxtəlif məktəblərdən 10 ən yaxşı Natiq məktəbli seçilmiş və mükafatlandırılmışdır.

Tuyqun Nadirov gənclər ilə görüşəcək

Xəzər-lənkəran futbol klubunun Vitse-Prezidenti Tuyqun Nadirov  İşıq Gənclər Hərəkatının gəncləri ilə görüşəcək. Canlı Xəbər  xəbər verir ki,yeni yaranmasına baxmayaraq ölkədə əsaslı şəkildə fəaliyyət göstərən İşıq Gənclər Hərəkatı yeni Life Story lahiyəsinə start verdi.

 

Lahiyənin ilk qonağısa Xəzər-Lənkəran futbol klubunun vitse-prezidenti Tuyqun Nadirov olacaq.19 Aprel baş tutacaq görüşdə Nadirov Azərbaycan gəncliyinə liderliyin yolları və xaricdə təhsil aldığı zaman tələbə problemləri və idarəçilik haqqda öz praktikasından, İşıq Gənclərinə tam bir lider necə olmalı həyatın aşılıyacaq.Təlim bütün media və iştirak etməyi arzu edən gənclərə açıq olacaq.

İşıq Gənclər Hərəkatının ofisi-Caspian Plaza 17 ci mərtəbə

Əlaqə-0553020312 Sabir Bacaran